Ju ushqeheni mirë, ushtroni dhe bëni çmos për të bërë gjumë të mirë çdo natë në emër të shëndetit të mirë. Megjithatë, kemikalet e fshehura mund të sabotojnë disa nga përpjekjet tuaja.
Një bazë të dhënash të kohëve të fundit nga Grupi Punues Mjedisor tregon se ka më shumë se 16,000 produkte që përmbajnë bisfenol A (BPA), një kancerogjen potencial që gjithashtu ka treguar se dëmton sistemin riprodhues. Dhe kjo është vetëm maja e ajsbergut kur bëhet fjalë për ekspozimin kimik. Këtu janë disa burime që do t’ju ndihmojnë të siguroheni të shmangni kemikalet e dëmshme në produktet tuaja të përditshme.
Si dhe kur ndodh rrjedha (kullimi) kimik?
Disa produkte plastike janë bërë nga kemikale të dëmshme që mund të rrjedhin në ushqim dhe pije. Rrjedhja zakonisht ndodh kur plastika në fjalë është e gërvishtur, e ngrënë, e ndezur, e ngrirë ose e lënë në diell. Nëse bëhet me plastikë të pasigurta, produktet si shishet e ujit, takëmet, e madje edhe kupat e ngurta dhe shishet e foshnjave mund të jenë potencialisht të dëmshme.
Një tjetër burim i madh i kemikaleve që shumë njerëz nuk mendojnë janë pipat të njëherë-përdorshëm. Restorantet, kafenetë dhe baret e lëngjeve na dërgojnë të gjithë me një pip plastike. Bëni shëndetin tuaj dhe mjedisin një të mirë dhe thuaj kamerierit “s’ka nevojë”!
Cilat janë disa kemikale shqetësuese?
1. BPA:
BPA është gjëja e parë që duhet të shqetësoheni kur përdorni kontejnerët, gota dhe shishet e ujit të plastikës. Edhe pse FDA (Food and Drug Administration) pretendon se është e sigurt të përdoren produktet me BPA, jo të gjithë konsumatorët dhe shkencëtarët janë të bindur. EWG e ka lidhur atë me çdo gjë, nga shterpësia (infertiliteti), obezitetit, diabetit, pubertetit të hershëm dhe ndryshimeve në sjelljen e fëmijëve. Bashkimi Europian e ndaloi përdorimin e BPA në shishet e foshnjave në vitin 2011. Gjithashtu, në Belgjikë, Danimarkë dhe Kanadë, BPA është e ndaluar nga kontejnerët ushqimor dhe veglat për fëmijët 3 vjeç e nën.
2. Analogët e BPA:
Kur BPA u zbulua për herë të parë si potencialisht i rrezikshëm, disa produkte plastike zëvendësuan BPA me analoge BPA të tilla si BPS, e cila mendohet të jetë më pak e prirë ndaj kullimit. Në thelb, një analog BPS është i ngjashëm në strukturë me BPA, me dallime të vogla. Ndërsa shumica e analogeve BPA nuk janë testuar tërësisht, ngjashmëritë midis analogeve BPA dhe BPA janë një shkak shqetësues. Tetëdhjetë e një përqind e amerikanëve tani kanë nivele të zbulueshme (kapshme) të BPS në urinën e tyre.
3. EA:
Pasi njerëzit filluan të shqetësoheshin për BPA, kemikale të tjera në plastikë filluan të vëheshin në pyetje. Shpejt u bë e qartë se njerëzit gjithashtu duhet të kufizojnë konsumin e kemikaleve tjera që rrisin aktivitetin e estrogjenit. Kështu, lindi lëvizja Estrogenic Activity-free, ose lëvizja EA.
Ashtu si emri sugjeron, kemikalet endokrinë përmirësuese, të njohur edhe si xenoestrogens, imitojnë efektet e estrogjenit. Gjersa trupi juaj ka nevojë për estrogjen – madje edhe nëse jeni mashkull – sasia e tepruar mund të ndryshojnë gjendjen shpirtërore (qejfin), nivelet e energjisë dhe ciklin menstrual.
Si mund t’i shmangim ato?
Për fat të mirë, ju nuk duhet të konsumoni kemikale që janë potencialisht të rrezikshme. Tani ka shumë mënyra për të shmangur produktet që përmbajnë BPA, BPS dhe EA. Më e thjeshta? Hiqni plastikat me një-përdorshëm dhe polistat (gota e gjëra tjera nga polistiroli). Përveç BPA, ato mund të përmbajnë stirenit dhe ftalat që çrregullojnë hormonet. Ndoshta s’kemi nevojë ta përmendim, por duke ju thënë “JO” artikujve një-përdorim të plastikës dhe polisterolit gjithashtu i bëni mirë planetit dhe mbani deponitë, ujërat, lumenjtë dhe liqenet e pastra.
