Vitamina D dhe Kalciumi Pergjysmojne Rrezikun e Kancerit Te Lekures

Një studim tjetër ka vërtetuar dobitë shëndetësore mahnitëse që vitamina d dhe kalciumi kanë, studim ky i cili tregon se këto dy suplement zvogëlojnë për 50% rrezikun e zhvillimit të kancerit të lekures tek gratë.

Vitamina D dhe Kalciumi

“Duket sikur ka dëshmi premtuese për vitaminen D dhe kalciumin për parandalimin e melanomes në grupet me rrezik të lartë,” ka thënë për gazetën USA Today Dr. Jean Tang prijës i hulumtuesve dhe asistent profesor i dermatologjisë në Shkollën e Mjekësisë Të Universitetit të Stanford-it.

Hulumtuesit kanë thënë se gratë me rrezik të lartë të zhvillimit të kancerit janë ato të cilat kanë pasur forma tjera të kancerit jo të melanomës.

Përderisa vitamina D dhe kalciumi qysh moti janë të njohura si ndihmues në zhvillimin e eshtrave, hulumtuesit gjithashtu po zbulojnë se ato gjithashtu ndikojnë edhe në qeliza tjera. Për shembull, studimet e mëparshme kanë zbuluar se vitamina D dhe kalciumi mund të ndihmojnë në zvogëlimin e rrezikut ndaj kanceri i gjirit, kanceri i zorres se trashe dhe kanceri i prostates.

Dr. Tang spekulon se qelizat kancerogjene mund të kenë qenë prezent në lëkurën e atyre grave të cilat kanë pasur kancer jo-melanoma por me marrjen e vitamines D dhe kalciumit… është zvogëluar rreziku i zhvillimit të tumorit.

Ajo thotë se të marrësh vetëm 400 IU (international units) vitamina D për çdo ditë mund të jetë masë parandaluese, edhe pse Instituti Amerikan I Mjekësisë tani për tani rekomandon 600 IU për çdo ditë.

Dhe përderisa ajo tha se nuk ishte e sigurt se cila – vitamina D apo kalciumi – ishin më të efektshëm, që të dyja dukeshin se funksionin shumë mirë në kombinim. Mund të jetë se kalciumi luan rolin e saj për shkak se është parë më parë se zvogëlon rritjet e tumoreve në pacient me kancer të zorrës.

Studimi i fundit thjeshtë ofron më shumë dëshmi për efektet pozitive të vitaminës D në shëndet.

Vitamina D – Nivelet e Ulëta

Një studim tjetër ka zbuluar se nivelet e ulëta të vitaminës D anojnë të lidhen me kanceret më agresive të gjirit si dhe me rrezik më të lartë të kësaj dukurie.

“Shumë mjekë të onkologjisë tanimë veç po përcjellin nivelet e vitamines D tek pacientët e tyre me kancer gjiri dhe po rekomandojnë suplement për nivele të ulëta,” thotë Dr. Laurie Kirsten, mjeke në Qendrën Mjekësore Beth Israel në Nju Jork. “Të lidhësh nivelet e vitamines D me agresivitet të ndonjë tipit të veçantë të kancerit të gjirit është një zbulim interesant.”

Vitamina D Kundër Depresionit, Osteoporozës, Trashjes dhe Diabetit

Përveç kancerit, vitamina D gjithashtu është zbuluar se ndihmon në kontrollim dhe parandalim të depresionit, osteoporozës dhe[wp-like-locker] bile mund të ketë efekt pozitiv ndaj trashjes dhe diabetit.

E sa për mungesën e vitamines D, edhe kjo vazhdimisht është bërë temë studimi. Një grup hulumtuesish në rritje e sipër kanë treguar se mangësia e këti suplementi mund të shpie drejt problemeve të ndryshme shëndetësore.

Nivelet e ulëta të vitamines D mund t’i prekin edhe të porsalindurit. Një studim Holandez ka zbuluar se nivelet e ulëta të vitaminës D tek të porsalindurit i bënë ata për gjashtë herë me më shumë gjasa të zhvillimit të RSV (Viriusi Sincital Trakit Të Frymëmarrjes), shkaktari primar i infeksionit serioz të mushkërive në muajt e parë të jetës së foshnjës.

Sipas një studimi të bërë nga Universiteti i Pitsburg-ut, studim i cili ka përcjell 200 pacient të racave (bardh dhe zi) të moshave nga 8 deri 18, Vitamina D, mungesa e saj, është gjithashtu e lidhur me trashjen tek fëmijët.

Një raport në rezultatet e këtij studimi tregon, ‘Rezultatet tregojnë lidhje të fortë në mesë të mungesës së Vitaminës D dhe indeksit të lartë të masës trupore, niveleve të larta të dhjamit, dhe nivele të ulëta të kolesterolit të mirë’.

A je i bindur se të Vitamina D të ndihmon të jesh më i shëndetshëm, duhet të jesh sepse dëshmitë po shtohen për ta vërtetuar këtë.[/wp-like-locker]