Nëse keni marrë vendimin për të qënë në dietë, sigurisht që keni bërë shumë mirë. Bashke me vendimin duhet të keni parasysh se nuk është e lehtë, ndaj para së gjithash duhet ti drejtoheni specialistit të fushës , i cili do tju sugjerojë dietën e personalizuar dhe do të dijë si t’ju kombinojë ushqimet dhe vaktet. Është shumë e rëndësishme që në ditën tuaj ti përfshini të gjitha lëndët ushqyese duke i ndarë në 5 vakte ku tre janë vaktet kryesore dhe 2 janë mesvaktet e paradites dhe pasdites.
Hyrida Basha-Dhima ju propozon disa këshilla profesionale për të plotësuar mesvaktet tuaja për linja trupi perfekte si ehde për shëndet të mirë.
1. Smoothie (Freskues)
Smoothie, janë një ndër trendet e fundit të nutricionizmit në të cilat imagjinata është çelësi kryesor. Ato janë lëngje të frutave apo perimeve të centrifuguara. Mund të kombinohen më kos ose qumësht. Kaloritë në varësi të përbërësve luhaten nga 75 deri 200 kalori.
2. Lenge Shege
Superfruti i stinës së vjeshtës. Kokrrat e kuqe me veti mrekullibërëse dhe lëng të shëndetshëm. i pasur me minerale dhe vitamina. Ideal për t’ju furnizuar me energjinë e nevojshme. Ndihmon sistemin tretës dhe lufton urinë. Rekomandohet nje sasi prej 125 ml e cila përmban rreth 65 kalori.
